என் கவிதை

எங்கோ இருக்கத்தான் வேண்டும்
எனக்கான கவிதை ஒன்று
மான் எனவும்
மயில் எனவும்
குயில் எனவும்
பாவித்த சொற்கள் ஏந்தி

நிலா எனவும்
நதி எனவும்
ஜோடனைகள் பூசியதாய்
இருக்கத்தான் வேண்டும்
எனக்கான கவிதை
எங்கேனும்

என்றென்றும்
எப்பொழுதும்
தினம் தினம்
என காலங்கள் தொடுத்ததாய்
நிச்சயம் இருக்கும்
எனக்கான கவிதை

காத்திருக்கிறேன்
என்றேனும் ஒரு நாளில்
என்னிடம் வரும் என
அந்நாளில் எக்காளமாய்
சராசரிகள் நானல்ல என்றுவிட்டு
மீண்டும் காத்திருப்பேன்
என்  கவிதைக்கென