வெயில் தகித்த ஒரு கடும்நாளில்
எதிரெதிராய் வீதியில்
நானும் வெயிலும்
கண் எரித்து
முகம் கருக்கி
பாதம் சுட்டு
எக்காளமாய்
என் தாடை சுடும்
பொல்லா வெயில்
கண் மறைத்து
நிலம் நோக்கி
வியர்வை குளித்து
தாகித்து நான் ....
இன்னும் கிட்டத்தில்
எனை சாடும் வெயில்
என் தவிப்புணர்ந்து
வந்து
சடசடவென பொரிந்து
வெயில் விரட்டி
வியர்வை களைந்து
சட்டென என் முகம் மறைக்கும்
குடையாய்
மழை
10 comments:
/// சட்டென என் முகம் மறைக்கும்
குடையாய்
மழை /// அருமை...
விரைவில் எங்கள் ஊரிலும் மழை வரட்டும்...
உங்களையும் அடையட்டும் மழை ..மிக்க நன்றி தனபாலன்
இறுதி வரிகள் என்னுள்ளும்
மழைபெய்யச் செய்து போனது
மனம் தொட்டப் பதிவு
தொடர வாழ்த்துக்கள்
மழை போலவே சிந்தை குளிர்வித்து போனது உங்கள் வாழ்த்து ..நன்றி ரமணி அவர்களே
இறுதி வரிகளில் குளிர்ச்சி!
ada!
எப்போதும் போல அட சொல்ல வைக்கும் உங்கள் பாராட்டுக்கு நன்றி சீனி
மிக்க நன்றி வரலாற்று சுவடுகள்
மழைக்காக எங்கும் ஒருவரின் உணர்வுகள்..
மழை வந்த நாளின் உணர்வுகள் ...மிக்க நன்றி LK
Post a Comment