திறவுகோல்

என் நொடிகளெங்கும்
சோதனைச் சாவடிகள் வைத்து
என்னை தாண்டச் செய்கிறாய்
தப்பி வரும் எனக்கு பதக்கங்கள் இல்லை
காயங்கள் மட்டுமே


என் நிர்வாணமெங்கும்
எவர் எச்சங்களையோ தேடுகிறாய்
தேடல் தோற்ற பின்னும்
தோலுரித்துப் பார்க்கிறாய்
வழிந்துக் கொண்டிருக்கும் குருதியை சட்டை செய்யாமல்


இத்தனையில் களைத்துப் போய்
தூங்கப் போகிறேன்
என் கனவுகளை கண்காணிக்க
திறவுகோல் கேட்கிறாய்
எங்கு போவேன் ?